លោក ជាវ តាយ អភិបាលនៃគណៈអភិបាលខេត្តកំពត បានដឹកនាំមន្ទីរជំនាញនៅជំវិញខេត្ត ចុះពិនិត្យបន្ទប់សំរាប់ត្រៀមព្យាបាលអ្នកជំងឺ នៅមន្ទីរពេទ្យ បង្អែកខេត្តកំពត
(ខេត្តកំពត)៖ នៅព្រឹកថ្ងៃទី ១១ ខែមីនា ឆ្នាំ ២០២០ លោក ជាវ តាយ អភិបាល នៃគណៈអភិបាលខេត្តកំពត បាន ដឹកនាំ មន្ទីរ ជំនាញ ពាក់ព័ន្ធក្នុងខេត្ត និងក្រុមគ្រូពេទ្យជំនាញ ចូលរួមពិនិត្យ ការរៀបចំ ត្រៀម លក្ខណៈការពារ ករណី ឆ្លងជំងឺCOVID-19 នៅមន្ទីរពេទ្យ បង្អែក កំពត នៃក្រុងកំពត ខេត្តកំពត។
ក្នុងឱកាសត្រៀមលក្ខណៈជាស្រេចនេះ លោក ជាវ តាយ អភិបាលខេត្ត កំពត បាន ឱ្យដឹង ថា ខេត្ត កំពត បាននិងកំពុងត្រៀម រួច ជាស្រេច ក្នុងការ ទទួល យក អ្នកឆ្លង ជំងឺ ដោយ បាន រៀប ចំ ក្រុម គ្រូពេទ្យ ព្យាបាល និង បន្ទប់សម្រាប់ ពិនិត្យអ្នក ជំងឺ ស្ថិតនៅ កន្លែង មួយដ៏មាន សុវត្ថិភាព និង មិន អាច ទៅ ចម្លង អ្នក ដទៃ ទៀតបាន និង ធ្វេី ការ ពិនិត្យ ព្យាបាល នៅ មន្ទីរពេទ្យ បង្អែក កំពតនេះ តែម្តង។
ក្នុងការត្រួតពិនិត្យនេះ លោក ជាវ តាយ អភិបាល ខេត្តកំពត បាន ណែនាំ ទៅដល់ ជំនាញពាក់ព័ន្ធ និងអភិបាល ក្រុង ស្រុក ទាំង អស់ ត្រូវ ត្រៀម ឧបករណ៍ បន្ទប់ និង ក្រុមគ្រូពេទ្យ នៅ តាម មន្ទីរ ពេទ្យ បង្អែក ក្នុង មូលដ្ឋាន របស់ ខ្លូន ដេីម្បី ត្រៀមទទួល អ្នក ជំងឺ ក្នុង ករណី មាន អ្នក ដែលបានឆ្លង ជំងឺ រលាក សួត ថ្មីនេះឱ្យបានទាន់ពេលវេលា។
ជាមួយគ្នាបេះ លោក ជាវ តាយ អភិបាលខេត្ត កំពត ក៏សូមអំពាវនាវ ទៅដល់ បងប្អូន ប្រជាពលរដ្ឋ ត្រូវ រក្សា អនាម័យ ជាប្រចាំ ដោយអនុវត្ត តាម ការណែនាំ របស់ ក្រសួង សុខាភិបាល ហេីយបើសិនបងប្អូននៅតាមមូលដ្ឋានមានការសង្ស័យដូចជាកម្តៅក្នុងខ្លួុនក្តៅលើសពី៣៧អង្សា អាចអញ្ជើញមកពិនិត្យ និងពិគ្រោះជាមួុយ លោកគ្រូពេទ្យជំនាញ នៅមន្ទីរពេទ្យបង្អែកខេតកំពតបាន និង មន្ទីរពេទ្យ ដែល នៅជិត ដែលមានឯកទេសត្រឹមត្រូវ និងឧបករណ៍គ្រប់គ្រាន់។
ជាចុងក្រោយ លោក ជាវ តាយ អភិបាលខេត្តកំពត បានបញ្ជាក់ផងដែរថា មកទល់ពេលនេះ នៅខេត្តកំពតនៅ មិនទាន់មានវត្តមានជំងឺនៅឡើយទេនៅក្នុងទឹកដីខេត្តកំពត ដូច្នោះហើយ លោកអភិបាលខេត្ត កំពត ក៏បានស្នើដល់ក្រុមការងារ ពាក់ព័ន្ធ ទាំងអស់ត្រូវធ្វើការ ផ្សព្វផ្សាយ ឱ្យបាន ទូលំទូលាយ ជូន ប្រជាពលរដ្ឋ នូវ ព័ត៌មាន ដែល កំពុង តែមាន ការជាក់ស្ដែង ហើយយើងទាំងអស់ត្រូវ នាំ គ្នា យកចិត្តទុកដាក់ ដើម្បី ទប់ស្កាត់ នូវ រាល់ ព័ត៌មាន ក្លែងក្លាយ ដែល ទទួល បាន ពី ប្រភព មិន ច្បាស់លាស់ ដែល ការ ផ្សាយ នោះ ធ្វើ ឱ្យ សាធារណជន មានការ យល់ ច្រឡំ មានការ ភ័យ ខ្លាច នៅ ក្នុង ខេត្ត ក៏ ដូច ជា នៅ ក្នុង ប្រទេស កម្ពុជា យើង ទាំងមូលផង ដែរ៕
