(គេហទំព័រ ពន្លឺខ្មែរអមត:)លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្តរមានជ័យបានទទួលឯកសណ្ឌានលក្ខណ:សញ្ញាស័ក្កិ និងសម្ភារ:ជាគោលរបប ពីអគ្គនាយកដ្ឋានភស្តុភាក្រសួងមហាផ្ទៃ

ចេញផ្សាយថ្ងៃសុក្រ ទី១០ ខែធ្នូ ឆ្នាំ២០២១
ការិយាល័យនិពន្ធ 017778289៖0882476167

ខេត្តឧត្តរមានជ័យ ៖ នៅព្រឹកថ្ងៃទី ១០ ខែធ្នូ ឆ្នាំ ២០២១ លោកឧត្តមសេនីយ៍ទោ ហួត សុធី ស្នងការនគរបាលខេត្ត បានទទួលឯកសណ្ឋាន លក្ខណៈសញ្ញាស័ក្កិ និងសម្ភារៈ ជាគោលរបបប្រចាំឆ្នាំ២០២១ នៅស្នងការដ្ឋាននគរបាលខេត្តឧត្ដរមានជ័យ ពីលោក ឧត្តមសេនីយ៍ទោ គ្រុយ ស្រុឺ អនុប្រធាន នាយកដ្ឋានភស្តុភារ និងសម្ភារ:បច្ចេកទេស នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ ដោយមានការចូលរួមពីលោកស្នងការង លោកនាយរងការិយាលយ័ជំនាញ លោកអធិការនគរបាលក្រុង -ស្រុកទាំង៥ និងលោកមេបញ្ជាការវរសេនាតូចនគរបាលការពារព្រំដែនគោកទាំង២ ។

ក្នុងពិធីនោះដែរលោកឧត្តមសេនីយ៍ ស្នងការ ក៏បានថ្លែងអំណរគុណយ៉ាងជ្រាលជ្រៅចំពោះ ថ្នាក់ដឹកនាំក្រសួងមហាផ្ទៃ អគ្គស្នងការនគរបាលជាតិ អគ្គនាយកដ្ឋានភស្តុភារ និងសម្ភារៈបច្ចេកទេស ដែលបានចាត់ក្រុមការងារដឹកជញ្ជូនសម្ភារៈខាងលើយកមកដល់ស្នងការដ្ឋាននគរបាលខេត្តឧត្ដរមានជ័យ និងតែងតែយកចិត្តទុកដាក់ជម្រុញនូវការងារផ្គត់ផ្គង់ទៅតាមតម្រូវការចាំបាច់របស់កងកម្លាំងនគរបាលជាតិ ក៏ដូចជាកងកម្លាំង នៃស្នងការដ្ឋាននគរបាលខេត្តឧត្ដរមានជ័យ បានឆាប់រហ័ស ទាន់ពេលវេលា ស្របតាមសំណូមពរ និងប្រកបដោយគុណភាពខ្ពស់ ៕