រដ្ឋបាលស្រុកសំបូរ បេីកកិច្ចប្រជុំ ត្រួតពិនិត្យសេចក្ដីព្រាងផែនការវិនិយោគបីឆ្នាំរំកិល និងផែនការអភិវឌ្ឍន៍ស្រុកសំបូររយៈពេលប្រាំឆ្នាំ ចេញផ្សាយថ្ងៃសុក្រ ទី១៣ ខែធ្នូ ឆ្នាំ២០២៤ ការិយាល័យនិពន្ធ 017778289=0882476167 ដោយ÷លោក រ៉េន ម៉េងគា
- នាព្រឹកថ្ងៃទី 12 ខែធ្នូឆ្នាំ 2024 នេះ លោក គង់ មេត្តា អភិបាលនៃគណៈអភិបាលស្រុកសំបូរ បានអញ្ជេីញដឹកនាំកិច្ចប្រជុំរបស់គណកម្មការសម្របសម្រួលបច្ចេកទេសក្រុមប្រឹក្សាស្រុក លើការងាររៀបចំសេចក្ដីព្រាងផែនការវិនិយោគបីឆ្នាំរំកិលស្រុក(២០២៥-២០២៧) និងផែនការអភិវឌ្ឍន៍ស្រុករយៈពេល ៥ឆ្នាំ។
ក្នុងកិច្ចប្រជុំនោះ លោកអភិបាល បានជម្រុញណែនាំដល់មន្ដ្រីពាក់ពន្ធ័ អាជ្ញាធរក្នុងមូលដ្ឋាន ត្រូវពិនិត្យ និងពិភាក្សាគ្នា ដោយយកចិត្តទុកដាក់ប្រកបដោយស្មារតីទទួលខុសត្រូវខ្ពស់ ក្នុងការប្រមូល ទិន្ននយ័ ពត៍មានធាតុចូលផ្សេងៗ ឲ្យបានច្បាស់លាស់ ត្រឹមត្រូវ និងទាន់ពេលវេលា ក្នុងនោះមានកិច្ចការងារ ស្ថិតិប្រជាពលរដ្ឋទូទៅ ស្ថិតិលើវិសយ័អបរំ វិសយ័កសិកម្ម សង្គមកិច្ច សុខាភិបាល សន្តិសុខ សណ្ដាប់ធ្នាប់ ធនធានធម្មជាតិ និងវិសយ័ពាក់ពន្ធ័ផ្សេងៗ ដេីម្បីកំណត់ជាមូលដ្ឋាននូវគោលនយោបាយ ចក្ខុវិស័យ គោលបំណង គោលដៅ និងយុទ្ធសាស្ត្រច្បាស់លាស់ សម្រាប់អនុវឌ្ឍផែនការនូវឆ្នាំបន្ទាប់ទៀត អោយស្របទៅនឹងគោលនយោបាយបញ្ចកោណដំណាក់កាលទី១ របស់រាជរដ្ឋាភិបាល អាណត្តិទី៧ ក្រោមការដឹកនាំប្រកបដោយគតិបណ្ឌិតរបស់ សម្ដេចមហាបវរធិបតី ហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
លោកអភិបាលស្រុកសំបូរ បានបញ្ជាក់បន្ថែមទៀតថា ការរៀបចំនូវកម្មវិធីវិនិយោគ៣ឆ្នាំរំកិលស្រុក និងផែនការអភិវឌ្ឍន៍ស្រុករយៈ៥ឆ្នាំ មានច្រេីនតំណាក់កាល ហេីយក៏ជាឯកសារផែនការមួយដ៏មានសារៈសំខាន់បំផុត ដែលបានប្រមូលផ្តុំគំនិត និងធនធានទាំងឡាយ ដើម្បីរៀបចំជាគម្រោងវិនិយោគសាធារណៈ ជាក់ស្ដែងសម្រាប់អនុវត្ត និងការគៀងគរប្រភពទុនដ៏ទៃទៀត ជំរុញដល់ការអភិវឌ្ឍន៍ ស្រុកឱ្យបានកាន់តែឆាប់រហ័ស និងទាន់ពេលវេលា ជាពិសេសគឺឆ្លើយតបនឹងតម្រូវការជាក់ស្ដែងនៅមូលដ្ឋាន ស្របតាមគោលនយោបាយរបស់រាជរដ្ឋាភិបាល។
