ពលរដ្ឋរអូរទាំដោយសារតែគ្រឿងចក្រកាយដីដឹកជញ្ជូនយកទៅលក់ធ្វើឲ្យខូចផ្លូវថ្នល់យ៉ាងធ្ងន់ធ្ងររហូតជិតក្លាយជាទន្លេពិបាកក្នុការធ្វើដំណើរឯអាជ្ញាធរមូលដ្ឋានបាតភ្នែកអស់មើលមិនឃើញ….! ចេញផ្សាយថ្ងៃចន្ទ ទី៣០ ខែធ្នូ ឆ្នាំ២០២៤ ការិយាល័យនិពន្ធ 017778289=0882476167 ដោយ ÷ រាយការណ៍លោក សៀក ង៉ែត

ខេត្តតាកែវ ÷ បងប្អូនប្រជាពលរដ្ឋ រួមទាំងកម្មករកម្មការិនីរោងចក្រ គ្រប់មជ្ឈដ្ឋានពួកគាត់ ប្រើប្រាស់ផ្លូវជាតិលេខ១២៦ (A) ដែលមានប្រវែងចម្ងាយ ១៦ គីឡូម៉ែត្រ គិតចាប់ពីផ្សារត្រាំខ្នារ – ផ្សារសំរោងយោង
នៅចំណុចផ្លូវដដែលក្នុងភូមិស្តុកខាងលិច ឃុំកុមាររាជា ស្រុកបាទី ខេត្តតាកែវ ជិតព្រំប្រទល់ភូមិភ្នំតូច ឃុំសូភី ស្រុកបាទី ខេត្តតាកែវ
ស្ថានភាពផ្លូវមានសភាពខូចខាតទ្រុឌទ្រោមទឹកសើមវ៉ល់ អាចម៌ដីធ្លាក់ហូរក្លាយជាជ្រាំ ឬ ដុំថ្ម ធ្លាក់រប៉ាត់រប៉ាយលើផ្លូវជាតិ អាចបណ្ដាលឱ្យបងប្អូនប្រជាពលរដ្ឋរួមទាំងកម្មករកម្មការិនីរោងចក្រពិបាកក្នុងការធ្វើដំណើរទៅមក ហេតុការណ៍ដែលបណ្ដាលឲ្យផ្លូវនេះមានសភាពទ្រុឌទ្រោមខូចកើតឡើងមកពីអស់លោកដែលមានគ្រឿងចក្រ ឡានដឹកដីប្រភេទបែនធំៗ មានលក្ខណៈជាបុគ្គល និងជាក្រុមហ៊ុនដឹកជញ្ជូនអាចម៍ដីធ្វើអាជីវកម្មចេញពីភ្នំចុងស្លឹក ស្ថិតពីខាងលិចភ្នំតទា ។

ខាងក្រោមមតិរបស់បងប្អូនប្រជាពលរដ្ឋ ដែលធ្វើដំណើរជាសាធារណៈ ពួកគាត់សំណូមពរឱ្យអង្គភាពផ្សារព័ត៌មានយើងជួយផ្សព្វផ្សាយ និង រាយការណ៍ជូនដល់អាជ្ញាធរមានសមត្ថកិច្ចក្នុងមូលដ្ឋាន ជាពិសេសមន្ត្រីពាក់ព័ន្ធបរិស្ថាន មន្ទីរសាធារណការ សូមមេត្តាអញ្ជើញមកត្រួតពិនិត្យនិង មានវិធានការចំពោះអស់លោកដែលធ្វើអាជីវកម្មដឹកជញ្ជូនអាចម៍ដីយកទៅលក់ទាំងនោះផងទៀន ។