(គេហទំព័រពន្លឺខ្មែរអមតៈ)លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យដឹកនាំក្រុមការងារចុៈសួរសុខទុក្ខនិងនាំយកថវិការជូនកងកំលាំងចំនួន២គ្រួសារដែលកំពុងសម្រាកព្យាបាលជំងឺ

ចេញផ្សាយថ្ងៃព្រហស្បតិ ទី២៣ ខែកញ្ញា ឆ្នាំ២០២១

ការិយាល័យនិពន្ធ 017778289/0882476167

ខេត្តឧត្តរមានជ័យ = នៅរសៀលថ្ងៃទី២៣ ខែកញ្ញា ឆ្នាំ២០២១ លោកឧត្តមសេនីយ៍ទោ ហួត សុធី ស្នងការនគរបាលខេត្ត អមដំណើរដោយ លោកស្នងការរង លោកនាយ នាយរងការិយាល័យ បានអញ្ជើញចុះទៅសំណេះសំណាល សួរសុខទុក្ខ មន្ត្រីនគរបាលដែលកំពុងសំរាកព្យាបាលជំងឺ 

 ១.លោកវរសេនីយ៍ត្រី អាន ប៊ុនរ័ត្ន  នាយរងការិយាល័យសណ្ដាប់ធ្នាប់ ដែលកើតមានជំងឺលើឈាម និងកំពុងសម្រាកព្យាបាលនៅគេហដ្ឋាន ស្ថិតនៅភូមិអូរស្មាច់ សង្កាត់អូរស្មាច់-ក្រុងសំរោង ខេត្តឧត្តរមានជ័យ។ 

២. លោកព្រិន្ទបាលឯក យ៉ត យ៉ា នាយរងប៉ុស្តិ៍នគរបាលរដ្ឋបាលអូរស្មាច់ នៃអធិការដ្ឋាននគរបាលក្រុងសំរោង ដែលកើតមានជំងឺរលាកស្រោមខួរក្បាល និងកំពុងសម្រាកព្យាបាលនៅគេហដ្ឋាន ស្ថិតនៅភូមិអូរស្មាច់ សង្កាត់អូរស្មាច់-ក្រុងសំរោង ខេត្តឧត្តរមានជ័យ ។

ក្នុងឱកាសនោះផងដែរ លោកស្នងការ ក៏បានពាំនាំនូវមតិផ្តាំផ្ញើរសួរសុខទុក្ខ នាំយកនូវគ្រឿងឧបភោគបរិភោគ មួយចំនួន ព្រមទាំងថវិការបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ សរុបចំនួន ២,០០០,០០០រៀល ដោយក្នុងម្នាក់ទទួលបានថវិកា ១,០០០,០០០ រៀល ផងដែរ ដើម្បីជួយសម្រួលបន្ទុកគ្រួសារក្នុងការព្យាបាលជម្ងឺ បានផ្ដាំផ្ញើរ ព្យាយាមខិតខំ ស្ដាប់ការណែនាំ និងហូបថ្នាំតាម វេជ្ជបញ្ជា ហើយ យកចិត្តទុកដាក់ថែសុខភាព អនុវត្តនូវវិធានការ ៣កុំ ៣ការពារ និងតាមវិធានការណែនាំរបស់ក្រសួងសុខាភិបាល ។ 

ឆ្លៀតក្នុងឱកាសនោះផងដែរ  លោកវរសេនីយ៍ត្រី អាន ប៊ុនរ័ត្ន និងលោកព្រិន្ទបាលឯក យ៉ត យ៉ា  ព្រមទាំងក្រុមគ្រួសារ ក៏បានថ្លែងអំណគុណចំពោះថ្នាក់ដឹកនាំទាំងអស់ដែលតែងតែយកចិត្តទុកដាក់ និងគិតគូរអំពីសុខទុក្ខមន្ត្រីក្រោមឱវាទរាល់ពេលដែលមានទុក្ខលំបាកកើតឡើង ជាក់ស្តែងដូចជារូបលោកផ្ទាល់នៅពេលនេះ ។  ហើយលោក និងក្រុមគ្រួសារ សូមជូនពរដល់ថ្នាក់ដឹកនាំគ្រប់លំដាប់ថ្នាក់ ព្រមទាំងសហការីទាំងអស់ សូមមានសុខភាពល្អ ជួបប្រសព្វនូវ ពុទ្ធពរ៤ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕