(គេហទំព័រពន្លឺខ្មែរអមតៈ)ករណីរថយន្តលោក ឈួន សោភា មេគយចល័តតំបន់ ៥ ល្បីទៀតហើយ បុកប្រជាពលរដ្ឋបាក់ជេីងហើយបោះលុយ ៥០០០ ដុល្លារ ដើម្បីបិទសំណុំរឿងខ្លួនឯង
ចេញផ្សាយថ្ងៃច័ន្ទ ទី២៧ ខែកញ្ញា ឆ្នាំ២០២១
ការិយាល័យនិពន្ធ 017778289/0882476167
ខេត្តបន្ទាយមានជ័យ ៖ ភាពល្បីល្បាញរបស់លោកឈួន សោភា មេគយចល័តតំបន់៥បានបុកបុរសម្នាក់ដាក់ជើង បើតាមប្រភពច្បាស់ការពីមន្ត្រីគយតំបន់ ៥ បានអោយដឹងថា កាលពីថ្ងៃទី ២៣ ខែ កញ្ញា ឆ្នាំ ២០២១ កន្លងមកថ្មីៗនេះ មន្ត្រីគយតំបន់ ៥ បានបេីកថយន្ត Lexus RX350 ពណ៌ស ពាក់ស្លាកលេខ (ភ្នំពេញ2AU-6806 ) ដេញបុកបុរសម្នាក់ បេីកម៉ូតូស្កុបពី ( Scoopy ) អត់ស្លាកលេខដែលមន្ត្រីគយសង្ស័យថាអត់បង់ពន្ធនាំចូល ។ ហេតុការណ៍នេះបានកេីតឡេីងនៅចំណុចជិតអូរកំបុតក្បែរឃុំ បឹងត្រកួន ស្រុក ថ្មពួក ខេត្តបន្ទាយមានជ័យ ។ បុរសដែលជិះម៉ូតូស្កុបពីត្រូវបានគេរាយការណ៍មកថា បានរងរបួសធ្ងន់បាក់ជេីងខាងឆ្វេង និងខូចខាតម៉ូតូ។ ក្រោយកេីតហេតុ លោក ឈួន សោភា មេគយចល័តតំបន់៥ បានសម្របសម្រួលជាមួយបុរសនោះដោយចេញសំណងជាលុយចំនួន ៥០០០ ដុល្លារ ទៅអោយបុរសនោះដេីម្បីបញ្ចប់រឿង ។ ប៉ុន្តែតាមរយៈ ហ្វេសប៊ុករបស់ឈ្មោះ Bong Long Svay បានបង្ហោះរូបថតគ្រោះថ្នាក់បាក់ជេីង ដោយសរសេរថា ហេតុអ្វីយកជីវិតខ្ញុំមកលេងសេីចម្ល៉េះ ? ចំណែក ហ្វេសប៊ុកឈ្មោះ Chhin Roth Barca បានសរសេរថា សូមលោកពូ ផែង វណ្ណៈ និង អ្នកសារព័ត៌មានជួយផង គយខេត្តបន្ទាយមានជ័យ ។ សារព័ត៌មានជាច្រើននៅខេត្តបន្ទាយមានជ័យត្រូវបានគេបិទព័ត៌មានករណីនេះ ។ ចំណែកជនរងគ្រោះដែលបង្ហោះ ព័ត៌មាននិងរូបថតរងគ្រោះក៏បានលប់ចេញវិញផងដែរ ។ ករណីខាងលើអង្គភាពយេីងមិនអាចសុំការបំភ្លឺពីលោក ឈួន សោភា បានទេដោយគ្មានលេខទំនាក់ទំនង ។ ពាក់ព័ន្ធករណីខាងលើអង្គភាពយើងខ្ញុំរងចាំការបំភ្លឺពី ឈួន សោភា រៀងរាល់ម៉ោងធ្វើការ៕
