ពិធីសម្ពោធដាក់ឱ្យប្រើប្រាស់អគារសិក្សាអនុវិទ្យាល័យសម្តេចតេជោ ហ៊ុន សែន ឃំុប្រាសាទស្រុកស្អាងខេត្តកណ្តាល
(កណ្ដាល) ៖ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស អនុប្រធានក្រុមការងារថ្នាក់ជាតិប្រចាំខេត្តកណ្តាល និងជាប្រធានក្រុមការងារថ្នាក់ជាតិចុះជួយស្រុកស្អាង អញ្ជើញជាអធិបតីភាព និងជាកិត្តិយស ក្នុងពិធីសម្ពោធដាក់ឱ្យប្រើប្រាស់អគារសិក្សាអនុវិទ្យាល័យសម្តេចតេជោ ហ៊ុន សែន ប្រាសាទ
នៅព្រឹក ថ្ងៃសៅរ៍ ១រោច ខែចេត្រ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី២០ ខែមេសា ឆ្នាំ ២០១៩ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស អនុប្រធានក្រុមការងារថ្នាក់ជាតិប្រចាំខេត្តកណ្តាល និងជាប្រធានក្រុមការងារថ្នាក់ជាតិចុះជួយស្រុក អមដំណើរដោយឯកឧត្តម លោកជំទាវ លោក លោកស្រីប្រធានក្រុមការងារថ្នាក់ជាតិចុះជួយឃុំ អញ្ជើញជាអធិបតីភាព និងជាកិត្តិយស ក្នុងពិធីសម្ពោធដាក់ឱ្យប្រើប្រាស់អគារសិក្សាអនុវិទ្យាល័យសម្តេចតេជោ ហ៊ុន សែន ប្រាសាទ មាន ០១ខ្នង ០៦បន្ទប់ មានទទឹង០៩ ម៉ែត្រ បណ្តោយ ៤៨ម៉ែត្រ វត្តមានអញ្ជើញចូលរួមមាន ៖ ក្រុមប្រឹក្សាស្រុក, គណ:អភិបាលស្រុក, នាយក នាយករងរដ្ឋបាល មេបញ្ជាការកងកម្លាំងទាំងបីរបស់ស្រុក, ប្រធានការរិយាល័យ អង្គភាពចំណុះឱ្យរដ្ឋបាលស្រុក និងជុំវិញស្រុក, លោកមេឃុំគ្រប់ឃុំ, លោកគ្រូ អ្នកគ្រូ, សិស្សានុសិស្ស និងបងប្អូនប្រជាពលរដ្ឋក្នុងឃុំប្រាសាទ សរុប ៩៧២នាក់ និងអញ្ជើញបន្តចុះពិនិត្យអគារសិក្សា សាលាបឋមសិក្សា ហ៊ុន សែន ពោធិ៍ព្រែកស្លែង ក្នុងឃុំតាលន់ ដែលត្រូវធ្វើការជួសជុលឡើងវិញ និងសាងសង់អគារថ្មីបន្ថែមមួយទៀត ។
