អាជ្ញាធរលើកទឹកចិត្តអោយខ្មែរឥស្លាមបន្តចូលរួមរួមរស់សុខុដុមរមនានឹងសាសនិកដទៃទៀតនៅខេត្តបន្ទាយមានជ័យ
ខេត្តបន្ទាយមានជ័យ .៖ ល្ងាច ថ្ងៃទី២៨ ឆ្នាំ២០១៩នេះនៅវិហារខ្មែរឥស្លាម ស្ថិតក្នុងភូមិព្រហូត សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យលោកអ៊ុរាត្រីអភិបាលខេត្តបន្ទាយមានជ័យ និងមន្ត្រីក្រោមឪវ៉ាទបានចូលរួមក្នុងពិធីពិសារអាហារសាមគ្គីស្រាយបួសរ៉ាម៉ាឌន ផ្តល់កិត្តិយសដ៏ខ្ពស់ជាលើកដំបូងជាមួយគណ:អ៊ីម៉ាំគណ:គណខេត្ត ដើម្បីលើកទឹកចិត្តឲ្យខ្មែរឥស្លាមបន្តចូលរួមរួមរស់សុខុដុមរមនានឹងពុទ្ធសាសនិក ក៏ដូចសាសនិកសាសនាដទៃទៀតនៅខេត្តបន្ទាយមានជ័យ និងនៅក្នុងប្រទេសកម្ពុជា ។
លោក អ៊ុំ រាត្រី បានមានប្រសាសន៍ក្នុងពិធីថា សារអាហារសាមគ្គីស្រាយបួសរ៉ាម៉ាឌនផ្តល់កិត្តិយសដ៏ខ្ពស់មួយលើកដំបូងជាមួយគណ:អ៊ីមាំុគណ:គណខេត្តទួន កឹមអាចារ្យ ឥស្លាមសាសនិកនៅសហគមន៍ខ្មែរឥស្លាមក្នុងខេត្តបន្ទាយមានជ័យ ដែលរៀបចំនៅម៉ាស្ជិតឌើុរុសសាឡាម ។
លោក ម៉ាត់ ហ៊ីម ប្រធានគណ:អ៊ីម៉ាំនៃសាសនិកឥស្លាមខេត្តបន្ទាយមានជ័យឲ្យដឹងថាសាសនិកឥស្លាមនៅខេត្តបន្ទាយមានជ័យ មានវិហារឥស្លាម១០ភូមិ មានសូរ៉ាវ ៤ មានគ្រួសារចំណុះ១.៣៣៥គ្រួសារមនុស្សរាយ៧.៧៤០នាក់ ។
លោកបានបន្តថា រ៉ាម៉ាឌន ឬបួសរយ:ពេល១ខែ ជាពិធីសំខាន់មួយនៃកិច្ចចម្បងៗចំនួន៥ក្នុងសាសនាឥស្លាម ហើយពេលនេះធ្វើបាន៣សប្តាហ៍ នៅសល់១សប្តាហ៍ទៀតប៉ុណ្ណោះ ។
ដោយឡែកកម្មវិធីស្រាយបួសលើកនេះ សហគមន៍លោកបានមហាកិត្តិយសដែលបានការឧបត្ថម្ភ គាំទ្រពីលោកអភិបាលខេត្ត មន្ត្រីព្រមទាំងសប្បុរសជន និងឥស្លាមសាសនិកចូលរួមពិសារអាហារស្រាយបួសរួមគ្នាជាលក្ខណ:សាមគ្គី ។ ក្នុងនោះលោកអ៊ុ រាត្រី បានបួងសួងសុំការប្រទានពរពីព្រះអាឡោះជាម្ចាស់ដល់ខ្មែរឥស្លាម ក៏ដូចប្រជាពលរដ្ឋកម្ពុជាទាំងអស់ក្នុងខេត្តនិងទូទាំងប្រទេសឲ្យបានសេចក្តីសុខសេចក្តីចម្រើនរុងរឿង ។ ហើយ សូមឲ្យខ្មែរឥស្លាមនិងសហគមន៍របស់ពួកគេបន្តរួមរស់ជាមួយសាសនិកនៃសាសនាដទៃទៀត ក៏ដូចជាមួយអាជ្ញាធរមានសមត្ថកិច្ចនៃរាជរដ្ឋាភិបាលដើម្បីសុខុដុមរមនាសាសនានៅក្នុងខេត្ត ក៏ដូចក្នុងប្រទេសជាបន្តទៀត សូមបញ្ជាក់ថា ក្នុងឱកាសនោះលោកអភិបាលខេត្តបានឧបត្ថម្ភថវិកា ១លានរៀលសម្រាប់អាហារស្រាយបួស និងសន្យាធ្វើផ្លូវបេតុងភ្ជាប់ពីផ្លូវកៅស៊ូទៅព្រះវិហារនិងភូមិ ។
ចំណែកលោក ហឹុល រា់យ៉ា អភិបាលក្រុងសិរិសោភ័ណ ឧបត្ថម្ភ ៥០ ម៉ឺនរៀលឯសប្បុរសជនដទៃទៀត ក៏បានបរិច្ចាគក្នុងកម្មវិធីនោះដែរ ៕
