លោកអភិបាលខេត្ត ទទួលជួបជាមួយប្រជាពលរដ្ឋ៤២គ្រួសារ ដែលស្នើសុំដីកសិកម្ម ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក
(ខេត្តកំពត)៖ នៅព្រឹកថ្ងៃចន្ទ ១កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៣ ខែ មិថុនា ឆ្នាំ ២០១៩ លោក ជាវ តាយ អភិបាល នៃគណ:អភិបាលខេត្ត ទទួលជួបជាមួយប្រជាពលរដ្ឋ៤២គ្រួសារ ដែលស្នើសុំដីកសិកម្ម ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត។
ក្នុងកិច្ចប្រជុំនេះក៏មានការចូលរួមពីអស់លោក លោកស្រី ជាប្រធានមន្ទីរអង្គភាពពាក់ព័ន្ធជុំវិញខេត្ត នាយករដ្ឋបាលខេត្ត អភិបាលរងស្រុកឈូក សរុប៦៥នាក់។
ក្នុងកិច្ចប្រជុំនេះដែរ លោក ជាវ តាយ អភិបាលខេត្ត ទទួលយកសំណូមពររបស់ប្រជាពលរដ្ឋ ដោយដាក់ចូលក្នុងកិច្ចប្រជុំគណ:កម្មការគ្រប់គ្រងដីរដ្ឋ នៅសប្តាហ៍ក្រោយ ដើម្បីស្វែងរកលទ្ធភាពដោះស្រាយជូនពួកគាត់។
សូមជម្រាបថា៖ ក្នុងកិច្ចប្រជុំកន្លងមក លោក ជាវ តាយ អភិបាលខេត្តកំពត តែងតែលើកយកបញ្ហាប្រឈមនានាដែលតែងតែកើតឡើងតាមមូលដ្ឋានយកមកដោះស្រាយ ដោយលោកបានដាស់តឿនដល់មន្ត្រីក្រោមឱវាទ ឲ្យរួមគ្នាគិត រួមគ្នាធ្វើ រួមគ្នាទទួលខុសត្រូវ ចាប់ពីថ្នាក់ខេត្ត ថ្នាក់ក្រុង-ស្រុក រហូតដល់ថ្នាក់មូលដ្ឋាន។
ជាមួយគ្នានេះ លោកអភិបាលខេត្តកំពតបានជំរុញដល់ដល់អាជ្ញាធរ និងជំនាញត្រូវតែចុះពិនិត្យទីតាំងដីដែលប្រជាពលរដ្ឋស្នើសុំធ្វើប័ណ្ណកម្មសិទ្ធិ ដើម្បីសិក្សាតើមានផលប៉ះពាល់អ្វីដែរឬទេ?៕
