អាសូរណាស់លោកយាយអាយុ 70 ឆ្នាំឈរនៅចិញ្ចើមផ្លូវត្រូវបានគោយន្តកិនស្រូវបុកពីក្រោយបណ្ដាលឲ្យស្លាប់មួយរំពេច ចេញផ្សាយថ្ងៃសុក្រ ទី២០ ខែមករា ឆ្នាំ២០២៣ ការិយាល័យនិពន្ធ 017778289=0882476167

ខេត្តកំពង់ឆ្នាំង : នៅព្រឹកថ្ងៃទី 20 ខែ មករា ឆ្នាំ 2023 មានគ្រោះថ្នាក់ចរាចរណ៍មួយបានបង្កឡើងដោយម៉ាស៊ីនកិនស្រូវ បើកពីលិចទៅកើត បោះពួយយ៉ាងលឿនបណ្ដាលឲ្យ រេចង្កូតបុកលោកយាយ 70 ឆ្នាំបណ្ដាលឱ្យបាត់បង់អាយុជីវិត នៅនឹងកន្លែងកើតហេតុ។

ហេតុការណ៍នេះបានកើតឡើង នៅវេលាម៉ោង 8:20 នាទីព្រឹក នៅចំណុច ភូមិបឹងស្ទេងកើត ឃុំខ្លុងពពក ស្រុកទឹកផុសខេត្តកំពង់ឆ្នាំង ។

យោងតាមសម្ដីពលរដ្ឋបានឱ្យដឹងថា គោយន្ត កែច្នៃកិនស្រូវ មួយគ្រឿងនេះបើកបរពីលិចទៅកើត ក្នុងស្ថានភាពល្បឿនលឿន បណ្ដាលឲ្យធ្លាក់កន្លុកហើយរេចង្កូតមកបុកលោកយាយ ដែលឈរនៅចិញ្ចើមផ្លូវពេញទំហឹងបណ្ដាលឲ្យបាត់បង់អាយុជីវិតមួយរំពេចនៅនឹងកន្លែងកើតហេតុ តែម្ដង អ្នកបង្កហេតុរស់នៅ ភូមិខ្នារ ឃុំអភិវឌ្ឍន៍ ស្រុកសាមគ្គីមានជ័យ ។ ឥឡូវនេះគោយន្តកែច្នៃនិងអ្នកបង្កហេតុត្រូវបានជំនាញសមត្ថកិច្ចនាំខ្លួនទៅអធិការស្រុក ដើម្បីដោះស្រាយតាមនីតិវិធីច្បាប់…។