ករណីអត្តឃាត (ចងកសម្លាប់ខ្លួន) ដោយសល់បណ្តាំសបុត្រចុងក្រោយនៅចំណុចដើមស្វាយ ស្ថិតនៅភូមិសាលាកំរើក សង្កាត់សាលាកំរើក ក្រុងសៀមរាប ចេញផ្សាយថ្ងៃអាទិត្យ ទី៩ ខែកក្កដា ឆ្នាំ២០២៣ ការិយាល័យនិពន្ធ 017778289=0882476167

ខេត្តសៀមរាប ៖ នៅថ្ងៃទី០៧ ខែកក្កដា ឆ្នាំ២០២៣ វេលាម៉ោង ២៣និង០០នាទី មានករណី អត្តឃាត (ចងកសម្លាប់ខ្លួន) ដោយយកខ្សែអង្រឹងពណ៌បៃតង ប្រវែង២ម៉ែត្រ ចងភ្ជាប់ជាមួយនឹងមែកស្វាយ កម្ពស់ពីដីប្រវែង៣ម៉ែត្រ រួចចងកសម្លាប់ខ្លួន នៅចំណុចដើមស្វាយ ស្ថិតនៅភូមិសាលាកំរើក សង្កាត់សាលាកំរើក ក្រុងសៀមរាប ខេត្តសៀមរាប។ សាកសពឈ្មោះ សេ សាយ័ណ ភេទប្រុស អាយុ ២២ឆ្នាំ មុខរបរ សិស្សអង្គការស្លាបព្រាកម្ពុជា ស្នាក់នៅផ្ទះជួលស្ថិតនៅក្នុងភូមិសាលាកំរើក សង្កាត់សាលាកំរើក ក្រុងសៀមរាប ខេត្តសៀមរាប។

តាមការពិនិត្យកន្លែងកើតហេតុ ពិនិត្យសាកសព និងកោសល្យវិច្ច័យ សន្និដ្ឋានថា សាកសពខាងលើពិតជាបានស្លាប់ដោយសារចងក (ធ្វើអត្តឃាត) ពិតប្រាកដមែន។ ក្រោយពីពិនិត្យចប់ សាកសពត្រូវបានប្រគល់ឲ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕