អគ្គីភ័យបានលេបត្របាក់ផ្ទះមួយខ្នងនៅស្រុក មណ្ឌលសីមា នៅ ខេត្តកោះកុង
ខេត្តកោះកុង ៖ កាលពីថ្ងៃផ្ទះប្រជាពលរដ្ឋមួយខ្នងត្រូវបានអគ្គីភ័យ ឆាបឆេះអស់ទាំងស្រុង ហេតុការណ៍នេះបានកើតឡើង
នៅ ភូមិចាំយាម ឃុំប៉ាក់ខ្លង ស្រុក មណ្ឌលសីមា ខេត្តកោះ កុង បើយោងតាមរបាយការណ៍ពីសមត្ថកិច្ចប៉ូលិស ស្រុកមណ្ឌលសីមា បានអោយដឹងថា ផ្ទះ១ខ្នង មានទំហំ ៧ម៉ែត្រ x ១២ម៉ែត្រ កំពស់២ជាន់ ជាន់លើសង់អំពីឈើ ជាន់ក្រោមសង់ពីថ្ម ត្រូវបានអគ្គីភ័យលេបត្របាក់ទាំងស្រុង ដែលហេតុការណ៍នេះបានកើតឡើងកាលពីវេលាម៉ោង១០និង២២នាទី នាថ្ងៃទី២០ ខែមករា ឆ្នាំ២០១៩ ប្រភពបន្តពី សមត្ថកិច្ចបានអោយដឹងទៀតថា ហេតុការណ៍ដែលបង្កអោយមានគ្រោះអគ្គីភ័យភ្លើងឆេះផ្ទះខាងលើកើតឡើងគឺបណ្តាលមកពីផ្ទុះសេខ្សែភ្លើហើយភ្លើងឆេះចេញពីបន្ទប់ជាន់ទី២ ទើបបណ្តាលអោយ
មានការខូចខាតនូវទ្រព្យសម្បត្តិមួយចំនួនរួមមាន ៖ ប្រាក់រៀលឆេះអស់ចំនួន៨លានរៀល ទូរទស្សន៍១គ្រឿង ទូទឹកកក១គ្រឿង ក្បាលវីស៊ីឌី១គ្រឿង រួមទាំងសម្ភារះប្រើប្រាស់មួយចំនួនធំថែមទៀត ។
ប្រភពដដែលបានបន្តថា ក្នុងករណីអន្តរាគមន៍ពន្លត់អគ្គីភ័យខាងលើសមត្ថកិច្ចបានសហការជាមួយកម្លាំងឡានទឹករបស់ក្រុមហ៊ុន អឹល វ៉ាយ ភី គ្រុប ចំណាយអស់ទឹកចំនួន៣ឡានទើបធ្វើអោយអគ្គីភ័យខាងលើបានរលត់ជាស្ថាពរ ។
សូមបញ្ជាក់ថាក្នុងហេតុការគ្រោះអគ្គីភ័យខាងលើមិនបានបង្កអោយមានមនុស្សណាម្នាក់រងរបួសឬស្លាប់នោះទេ ៕
